羅力威重返亞視勝利舞台 嘆總台冷清連廁所都冇得用
蘋果日報 2020/12/10 17:27
羅力威亞洲星光大道亞視
羅力威重返亞視總台為聖誕節目錄影。
羅力威與梁雨恩今日到大埔亞視總台拍攝聖誕網上音樂節目錄影，參加亞視歌唱比賽出身的羅力威重回舊地，他自言重踏勝利的舞台十分感動，自言這10年回憶甚多：「以前後台好多人好熱鬧，而家就廁所維修緊、同埋1個人都冇好冷清，但返嚟見到好多舊同事喺度，好多親切面孔好溫馨，呢啲回憶永遠唔會忘記，死咗都帶埋回憶走。」
羅力威今年成為人父，女兒已4個月大，大讚女兒很易湊，會主動長時間乖乖睡覺，早前他在社交平台自爆有輕微抑鬱，他謂：「而家好啲，湊得熟手咗，一個人超忙都係為自己奮鬥，而家忙湊BB，但大咗就會跟人走，我無時無刻都諗佢會拍拖。」女兒有14、5磅，被指女兒跟他餅印一樣，他自豪謂：「似我都好，好靚。」因疫情關關係，少帶女兒出街，間中到健康院及到長輩家。
另外，梁雨恩在疫情期間在網上出席報道會，本身她有開班教飛鏢課，疫情下取消，她說：「早排搞咗個飛鏢雷台，網上與唔同地區嘅人比賽，但冇招親。」
羅力威說以前後台好熱鬧，現時人太少，連廁所都停在維修狀態。
羅力威湊B女湊到輕微抑鬱。
梁雨恩有開班教飛鏢課，但因疫情取消，之前就搞飛鏢雷台，在網上與人比賽。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！