當年今日

三個靚女瘦身各有秘技

蘋果日報 2002/02/27 00:00


名模陳嘉容(Eunis)及歐陽妙芝(Christine)昨日往荔枝角出席一個美容講座,並即場示範最新減肥科技「905光學」,剛結婚的施念慈(Celia)則是大會司儀,三人更大談減肥的心得。
陳嘉容最怕油炸食物
陳嘉容(Eunis)表示,自己平日的keep弗心得,以食物及運動為主。Eunis說:「平時甚少食油炸、快餐之類嘅食物,少食紅肉,寧願多食一啲生果同戒掉飲凍飲品。」
除了食物之外,每日的飲食分量及時間亦十分重要,Eunis說分量由早餐最多,逐步減少,晚上分量只係早餐嘅一半,亦唔會食飯及澱粉質食物。」而運動方面,Eunis表示一星期至少做三日運動,而每次行步行機及斜路步行機約三十分鐘。

施念慈食肉獸勤行山
施念慈(Celia)說:「我𠵱家九十八磅,老公叫我減到九十三磅,我逢星期一、三同五都會去行山,除此之外亦會玩步行機,不過自己係食肉獸,好難減少自己嘅食量,食少啲嘢。」
而Celia亦表示剛過去的情人節與夫婿陳鴻業於英國度過。

歐陽妙芝瑜伽助排毒
歐陽妙芝(Christine)的身型一向十分弗,原來她主要靠苦練瑜伽,Christine說:「做咗瑜伽之後,覺得好精神,有排毒作用,因為將啲毛孔放鬆,之後肌肉再做運動,個人會好relax。」
除了瑜伽之外,Christine亦會服用中藥,她說:「原本一百三十磅減至一百二十二磅,加上每朝會飲啲中藥飲品調理身體,個人會精神。」
此外,她強調自己一有工作在身便會自然消瘦,不過她亦會做運動減肥。
採訪、攝影:顏英兒