深水埗下午出現天降銀紙奇景，引起逾百市民爭相執錢，場面混亂，警方亦到場調查。就在撒錢事件發生前，被稱「幣少爺」的Bitcoin狂人黃鉦傑離奇現身深水埗福華街現場，更展開fb直播，畫面中他站在街頭、舉起雙手興奮大叫「唔知咁多位有無人相信，錢係會從天而降嘅！」身旁的人立刻附和叫好，說完幾秒，附近大廈天台便有一叠紅底鈔票從天而降。《蘋果》其後致電黃的手機了解事件，但一直無人接聽，他之後多次在fb直播時否認涉及派錢，但其間又問網民希望下次那區出現怪異現象，然後突然又說「下站去邊，唔透露住」前言不對後語，十分奇怪。

之後，黃又在fb上載一張鈔票從天而降的相片，並留言「劫富濟貧 嚟緊可能香港唔同既地方 都會有錢從天而降 大家支唔支持 只要有夢想一切都可以做得到」其實就在撒錢事件發生前，黃在fb上載一段橙色林寶超跑駛經福華街現場的短片，之後他便發表「錢係可以從天而降嘅！」偉論。

根據黃的fb，今日下午2時許他已留言，「今日既主題係劫富濟貧 我自細就有一個夢想 希望做一個正義使者 超級英雄 可能好多人會因為年紀逐漸長大 被工作不停磨滅 所以失去左這個心 我亦非常能夠體會 因為我都曾經辛苦過 只係幣圈世界太過夢幻 短短幾年時間就可以令到我重拾童真 唔知大家有冇想像過會有一日錢可以從天而降 我幣少爺 今日企係度話俾你地知 只要你有夢想 就所有事情都係有機會發生 錢就係從天而降 」

不過奇就奇在，於今次天降銀紙奇景發生前的22小時，即是昨日下午1時許，黃已在fb上載多張相片，當中包括兩張是大叠大叠鈔票放在橙色林寶車廂的照片，而該跑車亦在下午撒錢事件發生前駛經福華街。

撒錢事件發生後，黃又玩直播，片段中他風騷地站在橙色林寶超跑前說「唔知道大家想唔想全香港都有咁怪異嘅現象，若果係，要睇大家有幾支持我。」然後就在fb玩直播跟數百網民聊天，當時不少網民不停追問派錢原因，他多次否認「都話啲錢唔係我派，你哋唔好咁講」又說不知誰人派錢，另有網民關心「下站去邊到」，不過他其後又突然說「下站去邊，唔透露住，等你哋捕捉下我」。

與此同時，多名網民提出不同問題，有人質疑他自我宣傳，亦有人問「點解要咁做呢」，「你甘(咁)做唔怕犯法？扔錢窩(喎)」

你敢爆，我敢獎！ 立即WhatsApp《蘋果》24小時爆相爆片熱線 或致電：63836568