當年今日
關於我們

【扶貧都有真人騷?】為保形象嚴選幕前作 劉倩怡:唔使好做戲就會諗

蘋果日報 2018/09/25 16:34

寶珮如真人騷鄭子誠扶貧劉倩怡

久未露面嘅劉倩怡同寶珮如今日喺文化中心出席「心晴影薈展笑容慈善攝影展開幕禮」,佢哋各自都有作品展出,劉倩怡話:「兩張都係喺意大利用手機影,一張我自拍,另一張係老公(鄭子誠)影。」問到劉倩怡近況,你話:「啱啱推咗港台一個節目,因為時間夾唔到;我又推咗兩個廣告,兩個廣告都係搵我同鄭子誠,但係我太耐冇出鏡,有少少驚,出鏡要謹慎,因為以前我嘅形象好好,唔想出到嚟被網民話。」點樣先可以打動到你復出幕前?劉倩怡笑住話:「如果有啲機構搵我同鄭子誠做扶貧特輯,類似真人騷,唔使好做戲就會諗。」
寶珮如表示大約10月中會接拍新片《狂舞派3》,飾演一位媽媽:「我好enjoy做媽媽角色,雖然我唔係一位媽媽,但我覺得好有挑戰。」寶珮如仲透露最近同廖啟智合作,佢大讚智叔能夠帶佢入戲,學習到以前學唔到嘅嘢。
精選娛聞,喺晒《娛果》
http://fb.com/appledailyent
empty
劉倩怡好耐冇喺幕前出現,佢話要揀清楚係咩作品先可以復出。
empty
寶珮如下月中會拍《狂舞派3》,演媽媽角色。