陳復生擔任監製嘅節目《復興新生系列·世說商學》今日喺浸會大學舉行發佈會，葉家寶現身支持。節目由陳復生媽咪投資過百萬拍攝，至今已經拍攝第三輯共300集，佢仲話希望可繼續添食，依家籌拍緊電影。

陳復生當年都係無綫花旦，大家對佢喺《天龍八部》飾演任性刁蠻嘅阿紫，同埋《神鵰俠侶》嘅陸無雙印象深刻。問佢會唔會復出幕前？陳復生話：「唔會嘞，發掘吓啲新人。」雖然為咗節目忙咗好多，但陳復生每晚都會同一對小朋友一齊家庭樂，盡量分配好時間，佢仲話要保持心境開朗嚟令自己保持年輕，又話自己冇乜逆境，冇病冇痛已經係福份。

問到佢前夫何東舜銘，佢就話同前夫嘅官司未完結，一切已經交咗俾律師團隊處理。

賭王何鴻燊胞妹十姑娘何婉琪之子麥家興，今年9月病逝，終年61歲。十姑娘女兒、即陳復生前姑奶麥慧貞，之前受訪稱已有十幾年冇見媽媽，對此陳復生也稱已很久沒見過對方。

問佢會唔會做中間人、幫麥慧貞聯絡十姑娘？陳復生就話：「有機會你哋要問吓對方。」可是因為身份尷尬？陳復生稱：「我從來都唔會尷尬，我一向做自己嘅工作，嗰個唔係我嘅工作，呢個係母校嘅活動，要合題啲。」問到一對仔女有冇見過爸爸（即何東舜銘），陳復生就話：「以我所知應該冇。」

另外，前亞視高層葉家寶就話有聽聞亞視復活一事，佢就話有同亞視嘅大股東協盛協豐接觸過，佢話：「啲人話我係亞姐之父，之後如果再做亞姐係咪由我負責，要再討論。」

相關文章：
【享年61歲】何鴻章病逝 親兒患癌猝逝 十姑娘十日內痛失兩至親
http://bit.ly/2zv9Xik

【獨家頭條】子女出訃聞自稱「不孝」
何鴻章離世 消息稱：遺願是麥銘舜扶靈
http://bit.ly/2ydjDey

【寓所安詳離世】晚年患膀胱癌 何鴻章最後日子主動與親友言和
http://bit.ly/2fZW1li

記招講離婚　哭訴中秋後見唔到十姑娘
陳復生被追討三巨鑽
http://bit.ly/2iH5UWb

更多娛聞，喺晒《娛果》
http://fb.com/appledailyent