當年今日

娜姐港騷加場
歌迷提前搶飛

蘋果日報 2015/09/30 00:00


麥當娜(Madonna)香港粉絲又一喜訊!娜姐早前宣佈明年2月17日首度來港,假亞洲國際博覽館舉行「Rebel Heart Tour」巡迴演唱會,由於門票公開發售反應極為熱烈,主辦單位Live Nation昨宣佈加開2月18日一場,加場門票將於下月9日早上10時公開發售,但歌迷會會員可以20美元(約156港元)購買Live Pass,提早於明日上午10時優先搶票。
empty
麥當娜明年香港演唱會加開一場,勢將再掀搶票熱潮。
empty
周秀娜透露將飛往日本睇麥當娜演唱會。
資料圖片
王賢誌再買Pass博飛
至於香港Citibank信用卡客戶亦可於下月5日早上10時於快達票網站及電話熱線優先買票,而香港1010客戶亦可於下月8日致電熱線訂購門票。除香港外,主辦單位昨日亦宣佈台灣方面加開2月6日一場;由於近日娜姐個唱掀起炒票狂熱,估計今次加場,又將掀起一片撲飛熱潮。
娜姐宣佈香港場加開,不少粉絲藝人也深感興奮,如之前花40美元(約312蚊港幣)購買2個live pass但全軍覆沒的王賢誌,昨表示會再接再厲說:「梗係試!上次失敗,𠵱家有咗經驗,知道點樣可以㩒得快手啲。」不介意再跌錢落鹹水海?王賢誌說:「當入場費玩呢個遊戲囉!如果我今次買到,上次咪抵番晒!」
同樣外號叫「娜姐」的周秀娜則說:「我好想睇,點都要睇一次!公司知我想睇,佢哋話幫我撲咗明年2月日本嗰場,最好到時公司畀埋機票同假期我去就最好。」
此外,麥當娜開騷期間子女也有到後台打氣支持,而上周四娜姐在費城開騷,剛巧養子David生日,娜姐也有邀他上台一起慶祝。
採訪:魯吉、比華利
empty
上周四是娜姐的養子David(中)生日,她特地邀囝囝上台,與全場粉絲一起慶祝。