由韓國神劇《太陽的後裔》金牌編劇金恩淑執筆、李秉憲及金泰璃主演嘅tvN劇集《陽光先生》(Mr. Sunshine)，將於聽日播出第13集，港劇迷可於周六、日晚10時30分透過Netflix追劇。

《陽光先生》上集講到李秉憲及金泰璃因封建嘅階級觀念而被迫放棄愛情，卻始終放唔開大家，終於搵到令雙方都安全嘅溝通方法。不過兩人嘅感情似乎再因國家嘅問題而受到阻撓。新集預告中透露，朝鮮奸臣勾結外國勢力，令朝鮮戰爭一觸即發，又見柳演錫被捕、卞耀漢被要求帶金泰璃離開，預告中亦有金泰璃及李秉憲爆喊嘅場面。另外，新劇照亦可見，原本係情敵、大家唔妥大家嘅李秉憲及卞耀漢，卻企喺同一陣線面對手持長劍嘅浪人，李秉憲更疑似為保護卞耀漢而受傷。

更多韓流，喺晒《娛果》
http://fb.com/appledailyent