【賢仔Call馬】「木火」可能唔集中!我寧願揀「勇士」(廖浩賢)
快活谷第二場廖浩賢活力勇士賢仔call馬木火同明
明晚(18日)快活谷八場賽事,在最窄C加3欄上演,停賽期滿復出騎師有田泰安。
特別要留意的是受讓五磅見習騎師生黃俊,連續三期有馬贏,今次騎足八場,手風順信心好,季尾階段非常受練馬師歡迎。
全晚馬膽喜歡第二場四班1200米「活力勇士」,馬房專登縮程重配贏馬功臣郭能,埋門落草地跳有手影,密謀出擊。
第二場四班1200米,預計熱門落在「木火同明」身上,前仗初跑同程,起步稍慢,鞍上人刻意大力推騎搶前,結果因早段用力太多而落第。
上次「木火同明」出閘情況一樣,但就選擇留前鬥後,最終跑入一席第二名。
從賽事中可以反映「木火同明」仍有好多學習空間,馬房不斷轉換配備,好大可能唔集中。
呢匹馬閘廂反應唔夠好,甚至乎與跑法被動有關,同意跑慣沙田過谷草會賺級數,但若果太熱而揀一匹未開齋馬做膽,我寧願選擇「活力勇士」。
講狀態長期對辦,今季初出在同程排11檔沿途包尾,末段三兩個箭步將對手抛離,起碼證明識贏。
今次賽事有1650米唔報,選擇縮程兼重配郭能,埋門有落草地快跳,大摩一貫搏殺招數,抽5檔咬住四、五位入直路,有權劏晒。
--------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 ---------------------------
《果GYM》隨身播 健身壹App過!
一按即玩