【本報訊】顧客要等至深夜才見到「清貨手推車」，有超巿職員解釋，他們既要承受上級分貨促銷的壓力，又要避免高層巡舖時看見貨物隨處擺放的尷尬，只好選擇在晚上才擺出清貨特價品。「日間人流太多，我哋唔敢將手推車擺喺通道，怕俾人投訴阻塞，老細都唔鍾意。但另一方面，落架貨太多，有啲剩一箱半箱，都唔知點處置，惟有夜晚等人流冇咁多時推出嚟清貨。」
職員說手推車促銷的貨品，主要為下架貨，至於甚麼貨品做特價，以及如何定價，則全由分店夜班經理「打骰」。
其中坑口分店、人稱「貨場大家姐」的魏小姐說︰「有時啲貨存得太大量，我哋就清咁啲貨走，大約五至七折走晒佢，所以批貨其實冇問題！好似抹手紙咁，啲人一搶好快就冇晒。」她說晚上10時半後劈價，天光前已售罄，「唔使宣傳，啲客慣咗，知乜嘢時間嚟買，所以啲貨清得好快。」