【李華華Online】仙股：上任四個月CEO「整親手」辭職 但仲做到執董
蘋果日報 2020/06/01 19:51
新華通訊
圖：2014年版《神鵰俠侶》中楊過斷臂一幕截圖 網絡圖片
某啲職位對健康有特殊要求，例如話行政長官就唔可以腳痛，至於卸任之後行得走得，再出發去北京做國家領導層就唔會痛嫁喇。市值得1.5億、收市唔足1毫嘅價新華通訊（309）今日可能參照老懵董當年嘅下台宣言，話二月份新請返黎嘅行政總裁徐國興近期「臂部受傷」，需要更多治療與康復的時間，噚日就請辭並卸任埋。
「整親手」落台就當然同董事會無意見分歧喇，董事會體高層貼身體要緊，已經搵緊第二個人頂位嫁喇，俾徐生可以安心抖抖。不過呢，徐生隻手嘅傷勢，應該傷重得黎又唔係好傷，事關佢仲可以留任執行董事嫁。咁到底有咩喺CEO要落手做但執董唔洗呢？呢個Black Magic式猜謎遊戲應該同樣手部傷勢嚴重但著到樽領衫嘅鄭若驊司長或者董生最有潛質估到。
李華華
-----------------------------
-----------------------------
新華通訊（309）通告指徐國興由於近期臂部受傷關係，將需要更多治療與康復的時間，已請辭並卸任行政總裁一職。