當年今日

  王錫基輕鬆接箭 - 李八方

蘋果日報 2002/02/27 00:00


中文大學噚日搞咗一個電訊業研討會,請來不少學者及電訊管理局局長王錫基講意見,八方亦特意去取經,只見王局長輕鬆接下眾位「象牙塔」內專家放出的「明箭」,輕描淡寫咁,果有大將之風。
八方印象最深嘅係,替《壹週刊》寫評論嘅自由經濟捍衞人、理工大學教授林本利,佢質疑港府延遲兩年拍賣第三代流動電話頻譜令庫房少收六百億,但王局長即時回應話呢條數好難咁計,事關香港係用專營權稅形式收取專利費,日後經營商生意好,政府收得多,所以好難話少收錢。王局長重話,呢個花費納稅人逾五千萬元請顧問度出嚟嘅拍賣形式其實好掂,因為佢前排見美國專管通訊業務嘅獨立機構、聯邦通訊委員會主席時,對方也欣賞呢個拍賣方式,重話好可能照住咁做。


E-mail:[email protected]