花了一筆大錢做了車主後，經常都想愛車保持最佳狀態是人之常情，最簡單直接的方法就是幫部車洗白白。
一般人都會有兩種做法：一、放低幾十蚊讓人代勞，快捷舒服；二、自已買洗車水落手洗，沖水、上洗車水、過水之後再抹乾。前者當然方便，但每次花費數十，一年計落都幾貴。至於後者，完成四個步驟，快則都要近一小時，累到不得了。

當然，市面上也有一些洗車蠟水，一噴一抹就可以洗到車兼有打蠟效果，不過用家普遍覺得不夠乾淨，更有可能在抹車時刮花車身。不過，最近就發現有一款由美國入口的免水洗車液，聲稱沒有此問題，價錢更是比市面上的平一大截。
為一試其虛實，上星期就找來了一些產品，實際試試究竟是否有效。這款叫Ultima Clearly Different的免水洗車液，功能和一般洗車蠟水分別不大，也是一噴一抹就可洗車兼打蠟，手腳夠快者，15分鐘就可以洗完一部像Camry大小的房車。

至於效果，負責人話會否刮花車身，視乎用家的手勢，來回打圈抹的話，「沙塵」好大機會在車身表面留下痕迹，正確的方法是用較長纖維的毛巾，一直向同一方向抹，每抹一下便把毛巾輕輕摺起，就不會刮傷部車。
而清潔效果，個人就覺得跟一般洗車無異，確是非常方便有效率，摸上手也覺乾淨滑溜。最後，大家最關心一定是價錢，一支650ml的Ultima大概可洗三次車，售價為$110，大概比市面同類產品平三成，但最抵玩還是濃縮版本，一支可稀釋成約30支650ml裝，計落可以為部車洗近90次！（平均洗車價為$2.2）

記者：姚子浩　攝影：陳國良

查詢：Nice Car HK（ http://www.nicecar-hk.com/）

激戰拍續集，但家輝話唔敢再變筋肉人？
到底練定唔練？即睇足本《亂噏24》，專訪張家輝、林超賢！
http://bit.ly/appletalk24