當年今日
關於我們

【年紀尚輕】馬名酷似八捷一代良駒!「多姿多財」有嘢睇

蘋果日報 2020/05/19 00:00

第五場馬名多姿多財多采多姿八捷一代良駒

所謂「唔怕生壞命,最怕改錯名」,名字對人同動物都好重要。
香港 職業賽馬就快有50年,服役馬過萬匹,有時啲馬名舊名新用唔奇,好似現役「相見歡」已經係同名馬第三隻。
咁「精英大師」同「美麗傳承」呢啲馬王級分子,仲有冇機會有第二隻?
對唔住,馬會係唔會俾呢啲機會出現,因為馬王個名係唔可以翻用嘅。
同名都咁多,相似就更多,好似谷中明晚(20日)第五場四班1200米「多姿多財」,令人聯想起當年老摩同大摩父子先後訓練過的八捷良駒「多采多姿」,皆因兩個馬名有七成半一樣。
不過,呢匹羅廐「多姿多財」最終有冇「多采多姿」咁勁就唔知,但今戰跑四班谷草1200米就一定夠用。
「多姿多財」近兩戰跑同程得一冠一亞,每次跑完隔番兩個月再出,幕後畀足時間呢匹三歲馬成長。
日前贏埋泥閘先跑,證明本身狀態好,潘頓唔放手繼續為佢壓陣,「多姿多財」可望再次贏馬。
empty