踏入三月巴塞爾藝術展期間，新世界發展執行副主席兼總經理鄭志剛和美國著名Hip Hop唱作人Pharrell Williams，昨晚在尖沙嘴舉行私人派對，獲來自各地名人現身支持，當中包括德國超模Heidi Klum、美國歌手Nicole Scherzinger、李民橋夫婦、伍允龍，吳建豪、薛芷倫，馬詩慧(Janet)和兒子Kadin及大女王曼喜(Kayla)、龐景峰等，而身穿開胸黑色貼身裙的劉嘉玲則壓軸到場，打扮性感，艷壓全場。

嘉玲身材keep得好fit，她笑言：「OK啦！着到咁係想有時搞吓新意思，唔係就好悶。」最近頻頻去行山，問到是否行山有功?她說：「我係為健康做運動，唔係要刻意練到好多肌肉，想練線條fit啲就得，其實最緊要都係健康，做運動出汗好開心。」早前嘉玲行山後在西貢巧遇劉青雲夫婦，她開心謂：「去完行山喺西貢街市食完嘢撞到佢兩公婆，過啲好地道港式生活，食下大牌檔。」嘉玲又自認好為食：「行山時就會諗定食乜，呢啲至有動力行，滿足自己口福。」

提到日前她在Instagram大讚一款漢堡包好食，自言不是美食KOL的嘉玲，更自爆事後被質疑為漢堡包賣廣告：「有啲朋友問我係咪收咗錢介紹，其實唔係，有好嘢想同大家分享，用呢個方式介紹香港好嘢畀人都幾好。」

另外，同場的伍允龍日前參加Jessica C.女兒Tessa生日派對，身為契爺的他送了玩具，他說：「平時有陪佢玩，攬住佢好冧好開心，睇住佢出世長大好窩心，佢好識氹我，會主動攬我。」他坦言一直都很喜歡小朋友，未入行前是做教書工作：「有機會結婚嘅話希望可以盡快生BB，有兩個都好好。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef