球隊有「敢帥」雲高爾，啲球迷都特別大膽。話說星期一有網民喺Facebookpost咗條片，有位著住曼聯波衫嘅哥仔喺火車到食煙...正確啲嚟講應該係打煙炮。照計打煙炮頂唔到煙癮㗎，做乜咁急要喺火車做呢？好快呢條片就畀人瘋傳，至今已經超過三萬個share。

Post片嗰位網民話，佢走埋去同「煙炮男」講，話唔食得煙，但係煙炮男竟然講咗句：「關你咩事！」唔關人事？關曼聯迷事呀！影衰晒佢哋吖嘛！當然，有唔少曼聯迷都即刻畫清界線，話煙炮男唔係真曼聯迷。點都好，佢著得曼聯波衫就入咗曼聯數㗎喇。