【自認花心男】黃心穎有樓收租靜待復出 馬國明表態支持
蘋果日報 2020/03/09 17:54
岑麗香馬國明黃心穎唐詩詠BB大晒
馬國明今日出活動，大方談「阿妹」詩詠和舊愛心穎。
升呢做視帝的馬國明最近花邊新聞多多，今日他與岑麗香、張穎康、陳自瑤等為新劇《BB大晒》舉行開鏡拜神儀式，劇中馬明娶得女神香香為妻，他自嘲：「真係癩蝦蟆食天鵝肉。」他透露劇中角色雖然是粗人，但用情專一，問到戲外是否一樣？他笑說：「係男人都花心，諗吓都好。」馬明指自己不是首次飾演人父，因為自己有兩個外甥，所以湊小朋友亦有一手，反而擔心將來會有婆媳糾紛，他說：「睇劇本時都有啲擔心，唔知自已將來結婚後，會唔會遇到呢啲事，希望唔會啦。」
早前有傳馬明介入唐詩詠和陳思銘之間，馬明強調自己絕對不會做第三者，並澄清自己並有動氣，更沒有用粗口罵人：「我只係唔希望自己個名喺人哋關係裏出現，當然我都唔知佢哋乜嘢關係，萬一幾個月之後詩詠真係帶個男仔出來係男朋友，咁點算？！」他表示自己從來不八卦，即當年拍《On Call 36小時》時，也不知道羅仲謙和楊怡拍拖，反而介意當年被指是胡杏兒和黃宗澤的第三者，他便會立即澄清。提到有傳馬明搞大詩詠個肚，馬明直言新聞太假，但好戥女方不值：「呢啲新聞對女仔嚟講唔好聽，咁樣寫又於心何忍呢？緋聞笑吓冇所謂，但如果拍呢套劇又傳我同香香，人哋有老公、有小朋友，咁就唔得。」他透露有傳短訊問候詩詠，對方表示沒有事：「畢竟詩詠喺呢行咁多年，知道娛樂新聞會點寫，其實大家總會知道佢最後同邊個一齊同結婚，冇必要一直亂寫。」
今日有報道指黃心穎有樓收租不愁生活，所以無意轉行，靜待復出，身為舊愛的馬明亦表示支持：「每個朋友我都想佢好，唔好一樣嘢就抹煞人哋多年努力，希望佢繼續努力，大家對佢改觀。」有指心穎右腳有黑玫瑰紋身，寓意重生，馬明表示不清楚，自認花心，擔心紋了又想剷走。
另外，此劇是香香產後復出之作，她坦言當初答應之前，亦有開家庭會議，她說：「傾吓邊個照顧Jocab(囝囝)，好彩屋企人都好支持，而我身邊亦有好多working mum，從佢哋身上得到好多鼓勵，當然我都會好掛住囝囝。」
馬國明最介意被指是第三者，如拍劇傳他和香香就一定唔可以。
新劇開鏡拜神儀式，部份演員都有戴上口罩。
詩詠昨日在社交網貼新相，肚扁扁證未有懷孕。 （IG圖片）
「鐵馬家族」經常有聚會，馬國表示近日有短訊問候詩詠。 （IG圖片）
黃心穎的右腳穎有一個黑玫瑰紋身，被指寓意重生。（IG圖片）
心穎有樓收租，閒時湊B玩狗，靜待機會復出。（IG圖片）