上石化C輪4701:上石化(338)收3.75元,微跌1格,但隻C輪4701則大散39%,收10.2仙,有14球易手。
隻輪已到埋單時候,本月24日最後買賣,剩番6日交易。溢價0.9%,槓桿率36.8倍(有效26倍),引伸波幅19.6%。時日無多,冇得守,博唔過。其他兩隻C輪3537與4468,一樣博唔過。
中鋁C輪9085:中鋁(2600)只跌1格,最長期嘅C輪9085跌幅最小,收23.1仙,唔見0.4%。
隻輪溢價51.1%,槓桿率得2.4倍(有效更只有1.7倍),引伸波幅去到91%。數據怪到死,皆因08年6月尾到期,冇其他同期輪可作比較,炒嚟冇意思。
章盛