【李八方online】眾志批中共歪理撐港警「克制」 召喚「簽名師」聯署海牙查警暴
蘋果日報 2020/03/03 19:43
海牙抗暴之戰海牙國際常設仲裁法院
一場反修例運動，揭開香港人嘅國際戰線，香港人權同民主問題亦被放上國際舞台，獲外國政要發聲支持。中國常駐聯合國日內瓦辦事處公使蔣端日前就喺聯合國人權理事會代表中方發言時話呀，香港同新疆事務純屬中國內政，不容許任何外部勢力干涉。香港眾志今日出po批評蔣端席間「破口大罵」，批評澳洲、英國、比利時、冰島、盧森堡等國就香港、新疆問題有錯誤言論，「更加令人火滾嘅係，蔣端大讚黑警專業克制，批評外國對他們『搞雙重標準』，並要求各國要放下偏見和傲慢咁話」。
眾志指，「克警」自6月以來嘅行為，「點樣打傳媒打細路打大肚婆，外國媒體不是盲的，世界有目共睹」，強調眾志上月啱啱同國際線手足張崑陽，合力向聯合國人權理事會提交報告，要求禁止警察打壓人民佔領、快閃等集會權利，亦要設立有實權的獨立委員會，監察黑警濫暴。
當然啦，聯合國安理會近年嘅「中共化」，大家心照。好似德國外長馬斯上年同黃之鋒傾談數刻，北京已經亮劍，濫用安理會常任理事國身份，刪去德國喺調停利比亞內戰嘅貢獻，取態好明顯，之鋒強調咁樣更加證明開拓國際戰線嘅重要性，絕對唔可以畀中共在國際舞台上一言堂，要游說更多國家喺國際機構平台制衡中共歪理。溫馨提示各位手足聯署 促海牙國際常設仲裁法院調查香港警隊。
《果GYM》隨身播 健身壹App過！