【子健蘋馬】灰馬仔初戰第五班 局面可以話完全唔同晒
蘋果日報 2019/12/28 21:00
第五班灰馬仔子健蘋馬雄龍
雄龍首度落五班出賽，佔盡上風。
周日（29日）第二場五班1650米泥地，今場唯一降班馬為灰馬「雄龍」，近兩次跑四班泥地同程及千八米，縱只跑第四、五名，以段速、形勢兩層面去計，其實唔差。
「雄龍」前次蝕慢步速，上次遇上利內叠前置偏差及快步速，莫雷拉掌握發力點又有差錯，同時顯示路程攤長，不如賽前想像般好。
馬匹連敗後被減一分，獲得這次落班機會，復爭泥地一哩，對手面目全非，而且有加眼罩及換史卓豐之變數。
睇過「雄龍」戴眼罩一課拍跳，一課單試，先講拍「我願意」，直路抽出望空，勢頭完全將廐侶比下去。
此駒再到埋門單跳無搶口，比過去無戴眼罩更集中，觀感從未見過咁好！
今次遇上一批弱到唔弱之對手，比早前任何時候都值博。