當年今日
關於我們

DSE生變「酒鬼」研製熱情果手工啤 望港人為香港製造自豪

蘋果日報 2020/09/18 00:34

吹啤啤羅庭輝啤酒DSE手工啤

香港製造(Made in Hong Kong) 空間正被逐漸蠶食,有人卻在拚命守護這塊小小的領土。磨麥、糖化、發酵再到入酒樽,看似簡單的釀酒過程,蘊含了一個18歲小伙子的血汗,以及推動本土製作的夢想。DSE生吳珈朗在暑假參加本土實習計劃,加入本地手工啤品牌「吹啤啤」做實習釀酒師,曾連續工作10多小時,又被玻璃酒樽口「鎅爆手」,只為研製出自己心愛的熱情果味啤酒,將來有機會推出市面發售,「只要係本土製作嘅嘢,我覺得香港人都係會自豪」。喝一口手工啤,齊來看看這釀酒師是如何「釀製」而成。
記者 盧珮瑤
「『吹啤啤』,只有廣東話係母語嘅人先會聽得明,同手工啤一樣,要自己體驗過先明。」,愛酒之人梁家泰(David)道出由紅酒銷售到創辦「吹啤啤」的因由,全因愛酒之餘更愛香港。因此,品牌啤酒樽設計亦別具一格,當中以「相信政府」的舉V字手勢相片做包裝的板藍根啤酒最為耀眼,「我哋產品比較多元化,呢啲就係細酒廠先做到嘅嘢」。
來到本地手工啤品牌「吹啤啤」於荃灣工廈的釀酒廠房,一個個啤酒發酵缸令記者眼花繚亂,來工作短短兩個月的DSE生吳珈朗,18歲就已化身「釀酒老手」,「我等啲酒發酵完就會入酒,然後駁啲喉管去洗個發酵缸⋯⋯」他邊在廠房中比手劃腳,記者邊在旁點頭,內心很是驚嘆,這還只是他的第一份工作,已表現得頭頭是道。這名年輕釀酒師的釀製過程,由一個實習計劃說起。
empty
來工作短短兩個月的DSE生吳珈朗,18歲就已化身「釀酒老手」。何家達攝

曾遭啤酒樽口鎅爆手 「成塊皮甩咗出嚟」

empty
阿朗曾於上班時被啤酒樽口鎅爆手,須入急症室治療。何家達攝
北區區議會主席羅庭德的兄長羅庭輝主理的「本土青年重投香港實業先導計劃」,招募16名年輕人到本地7間工場實習,當中包括「吹啤啤」。當阿朗遇上這個計劃,報名時第一志願率先填上啤酒廠,「想做啲微型啲嘅工業,而且手工啤新興,自己本身對啤酒又一知半解」。
一知半解帶來的,先是手足無措。阿朗笑言,上班初期David着他釀酒,「我嗰陣真係乜都唔知,後來有自己睇書、上網再去學吓,覺得原來釀啤酒每個步驟都有意義」。手足無措帶來的,是切膚之痛。訪問當天,阿朗其中一隻手指貼上膠布,他習以為常地說:「哦,呢個係啱啱整親嘅。」原來他實習期間,早已經歷最難忘的浴血之夜,「有次我唔知個玻璃樽口爆咗,一隻手插咗落去,整塊皮甩咗出嚟,結果要入急症室」。
跌過痛過,或許是成長的催化劑。David指,實習期間發現阿朗性格謹慎,「我哋啤酒廠其實好講究衞生,因為啤酒唔同食物,如果啤酒出事,對客人嘅影響唔係即時睇到,所以要更加小心」,大讚阿朗是一個非常注重衞生的人,令這個老闆都放下心來。
empty
愛酒之人梁家泰(左)由從事紅酒銷售到創辦「吹啤啤」手工啤酒牌子,全因愛酒之餘更愛香港,「我哋產品比較多元化,呢啲就係細酒廠先做到嘅嘢」。何家達攝

睇書自學 釀熱情果啤酒望推出市面

empty
阿朗鍾情啤酒,原因是他認為啤酒有獨特的魅力。何家達攝
實習計劃中有多個行業選擇,記者問偏偏鍾情啤酒,是否因自己也是「酒鬼」?阿朗笑指「自己都有飲吓」,不過真正原因是他認為啤酒有獨特的魅力,「我自己好鍾意啤酒花嘅味,係啤酒獨有,好鍾意去試唔同嘅啤酒花,唔同花有唔同香味,我就係俾呢樣嘢吸引咗」。小伙子進入啤酒的花花世界,便一發不可收拾,「我試過由朝早10點做到夜晚11點幾,先做得晒啲嘢⋯⋯覺得好攰,但唔會話好辛苦」。
empty
「吹啤啤」啤酒瓶有不同的設計包裝,本土味濃郁。何家達攝
啤酒發酵過程需時8至10小時,不過,工時長並不必然減卻熱誠。在「吹啤啤」的荃灣廠房中,就設有一個書櫃專擺放阿朗為釀酒研讀的書,直至實習期最後一個星期,這些知識大派用場——David建議阿朗釀製一款啤酒。阿朗最終決定試釀熱情果啤酒,因自己較喜歡「印度淡色艾爾」(India Pale Ale,簡稱IPA)的啤酒花。由於這款酒的酒色較深,麥芽與水果味亦較鮮明,他認為與熱帶水果的味道非常配襯,故挑選熱情果做主角。阿朗更即場讓記者試飲,發現果味極濃亦相當易入口,不過這「酒鬼」仍然希望精益求精,「我一陣返去要再試吓調整吓啲比例」。David指,希望當阿朗研製出最理想的味道時,可將產品推出市面發售。

身體力行sell本土 「香港人會對本土製作自豪」

empty
「吹啤啤」品牌的啤酒樽設計,其中一款以「相信政府」的舉V相片做包裝,最為耀眼。何家達攝
David與阿朗兩名愛酒之人可走在一起,除了同樣希望為啤酒注入創意,另一心願亦希望推動「本土」。這個概念看似「老掉牙」,兩人仍然深信有堅守的價值。David認為,香港不應只側重發展金融,希望打「香港製造」旗號的產業可百花齊放,「食物、蛋糕、月餅都好,香港人係要繼續尋找呢條路,如果唔係產業太過單一化,食物又自給自足唔到嘅,全部都要入口」,認為對社會發展亦有好處。
這個觀念,年輕人亦得以承傳。阿朗指,本土的重要性,在於能掀起本地人的共鳴,「飲得太多外來貨,嘉士伯呀、藍妹呀,可能會忘記咗原來香港都可以有啲令人自豪嘅嘢」。手工啤是否得以讓港人自豪?「只要係本土製作嘅嘢,我覺得香港人都係會自豪。」
不過多年來,本土製作之路並不易走,當記者問David,阿朗在研製熱情果啤酒的過程中,曾失敗過多少次,David卻堅定地說:「所謂失敗,只係味道未係最符合你所想,就算味酸啲,都有人會覺得好飲,其實當中無失敗。」珍惜每個步驟的意義,屢敗屢戰,務求達到所想,這或許不只是形容釀酒的過程。年輕人成長如是,香港本土之路亦如是。
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁