上季贏咗56場頭馬，成為華倉一哥嘅蘇偉賢，今個新馬季繼續發功，頭兩次賽事均有頭馬進賬，現有兩場勝仗在手，力爭於今季重返Big 4行列。

而且今季第三回合他亦有兩駒跑第二，無法連勝三賽日；周三（13日）接戰谷中夜賽，馬房派遣五駒迎戰，實值得跟進。

若睇晨課動向，此路人馬固然備戰認真，掌舵人動靜亦相當有睇頭，好似今朝（12日）咁，出戰第一場四班1200米「一定掂」及第四場三班1000米「財神」，除出操前見倉主跟貼打點外，往內圈加課踱步後，亦緊張接馬，鏡頭極肉緊，唔係搏殺都冇人信。