原本蔡一智上星期五（9日）有份喺林敏驄《35年腦交戰作品展》演出，不過喺綵排時發生塌台意外，舞台中一個油壓台突然倒塌，有10多人受傷。其中蔡一智亦喺今次意外受傷，喺工作人員陪同下坐私家車到醫院。(新聞連結： http://bit.ly/2rQgq3a )

不幸中之大幸，蔡一智尾龍骨同肋骨移位，已經用緊中西合璧嚟治療，而佢亦喺噚日微博post相報平安，話自己會好快好番，之後喺下晝仲post藥丸相。到今日，蔡一智再post相，貼咗4支按摩精油話：「每隔兩個小時一次，用這四支精油助我療傷，麻煩你夫人，謝謝你！」有太太幫手按摩，相信蔡一智好快好番。