當年今日
關於我們

雞排妹對「恢復處女膜」有興趣?點解嘅?

蘋果日報 2014/02/22 06:00

雞排妹鄭家純

今日喺智慧與美貌與身材都有嘅雞排妹(鄭家純)嘅fb,見到佢轉貼條片,題為「恢復處女膜的禱告方法」,條片係一個台灣女人,喺宗教聚會上,禱告中讚美緊佢嘅神,讚美嘅內容,可以話係非常新奇,個女人話:「主耶穌,讚美你,謝謝你,恢復我們的貞潔,恢復我們的處女膜!」冇錯!佢講緊係恢復處女膜,真係好新奇。而雞排妹就分享咗呢一條片,佢就話:「她跟美江應該是好朋友吧?想一起毀滅宗教。」

雞排妹所講嘅美江係邊個?其實美江喺台灣好紅,佢係一個女牧師,因為佢放咗一堆宣稱「信耶穌撿鑽石」、「耶穌寶血治皮膚病」等言論嘅片上網,而畀網民瘋傳,睇呢位美江嘅言論同「恢復處女膜之女」都係不相伯仲,唔怪得雞排妹拎哋兩個一齊嚟講啦。

而今日雞排妹就同佢嘅唱片製作人男朋友,一齊去朋友嘅婚禮,佢就貼咗一張sweet爆合照嚟晒一晒命,好多網民都話畀佢「曬」死。