【喊住玩】陳詩欣鏡頭前第一次着比堅尼 被百厭猴子「胸襲」
蘋果日報 2020/03/07 13:19
猴子比堅尼陳詩欣鍾晴
大台旅遊節目《3日2夜》例必有靚女晒身材，陳詩欣（Eunice）和鍾晴早前就到越南富國島及胡志明市取景，兩人除了在當地歎SPA外，還繼續向陽光與海灘出發。
Eunice過往拍攝節目時均穿一件頭泳衣，今次實行解放尺度，首次以比堅尼上陣騷身材，Eunice笑說︰「我從來未去過越南，對我嚟講幾新鮮，陽光與海灘少不免會有水着，以前會着一件頭比較保守嘅泳衣，但今次我決定喺呢個咁靚嘅地方着比堅尼。」
Eunice不但在沙灘上成功吸睛，去到動物園拍攝時，更遇上百厭猴子「咸豬手」，她直言經歷非常難忘︰「因為鍾晴出名驚動物，我唯有自己一個拎住零食行入去同猴子玩，其實飼養員事前同我哋講猴子已經食飽，驚入去時會唔理我哋，點知猴子真係好活躍，其中有隻我估係雄性猴子，爬到我頭上，然後為咗食粟米有一隻手伸咗入去我重要部位。」
被「胸襲」後的Eunice笑指事後很多人關心她，不過她卻大讚百厭猴子得意︰「好多人都關心我當時痛唔痛，其實嗰隻猴子冇 （尖銳）手指甲，所以冇被佢整傷，但我覺得佢哋好得意。」此外，向來畏高又怕水的Eunice於節目中挑戰跳降傘，結果搞到在天空上「喊住玩」，更自嘲當時嘈到拆天！
陳詩欣（粉紅泳衣）表示自己第一次穿比堅尼出鏡
陳詩欣表示第一次去越南
陳詩欣被百厭猴子「咸豬手」