程芷渝（Milla）今日同曲赤喺旺角宣傳電影《忍不住的眼淚》，臨近中秋，佢哋個個人都拎住月餅，準備去黃大仙嘅老人院派月餅，Milla話電影聖誕先上映，所以佢哋準備喺12月搞一個音樂會，而Milla仲會出隻有10首歌嘅大碟，嚟緊拍MV會以韓式風格拍攝。

同場嘅曲赤都話嚟緊會出兩首新歌，都係福音歌嚟，問到之前同艾美琦反面嘅Milla，係咪因為要避開大家所以缺席？Milla就話：「唔係，我哋好返嘞，佢o依家喺大陸拍緊嘢。」