《明報》噚日篇社論又反對證監設立非執行主席，呢個建議，似乎冇輿論支持，不過冇所謂，政府做嘢邊使理輿論。所以話之你反對，佢哋人選都搵定。繼早前傳過許仕仁、陳德霖之後，噚日中環唔知點解又多個名流傳，就係馮華健。
馮華健係大狀，深得政府信任，領匯一役，「威震」全港，雖然佢非專長財經，但有梁定邦先例在前，佢做證監亦一啲唔奇。不過，消息靈通人士講起呢件事，就畀咗另一個名八方。
邊個？張建東。呢位會計界高人，已經退下第一線，正好做吓公職。
八方聽聞，當年梁錦松想搵人替李業廣出掌港交所，首選就係張建東。而張建東目前係上市委員會主席，一定好叻股市事務，由佢出馬，邊個重敢話非執行主席唔內行呢？



傳真︰2623-9278
電郵︰[email protected]