香江再步入負利率年代,磚頭股泛海(129)NAV3折有售,抵到爛。泛海往績PE5.7倍,NAV近0.69元,現價(0.28元)折讓近60%,數據已經好吸引。計埋重秤後增值,更加流口水。
泛海家陣揸住油柑頭豪宅項目,應佔樓面10萬平方呎,每方呎地價連補地價成本,只係區區3100蚊。連呢幾年地價升值,加埋香江正步入負利率年代,油柑頭項目出售,利錢肯定高到爆。秤高啲,以項目每方呎獲利5000蚊計,泛海已經可以增值5億銀。齋計呢壇製作,折合現價PE,只係3.9倍。
泛海另外揸住近百萬平方呎土儲及物業,計埋呢批房產增值,NAV可秤到上0.9元,實際折讓講緊近70%,即係NAV嘅3折有售!以NAV折讓50%做目標,泛海股價要見0.45元,潛在升幅60%。