「以前不停去追一個高度，搞到自己好辛苦、好繃緊！」再遇術後康復中的 香港 跳高icon楊文蔚，笑容比以前多，拿着西洋書法筆練字，也要寫代表跳得更高的《Aim Higher》，阿基里斯腱受傷，沒令她對跳高的熱愛減退，反而像按了一個「重啟」鍵，對跳高有新的看法，希望以享受、開心的態度去追東奧夢。

訪問地點是一間佈置清雅的西洋書法教室，很多美美的文青打卡位置，跟樣貌脫俗、身穿白色Tee、黑長裙配金色大圈耳環的楊文蔚很合襯，這興趣是五月中做完右腳阿基里斯筋腱斷裂修補手術後開始，七月右腳還穿保護腳架時第一次學習，這次是第二次，有書法老師Christine從旁指導，文蔚寫得有板有眼，光是由A到Z這26個字母練字也用了1小時，正好讓文蔚急躁的性格調慢一點。

訪問這天，文蔚已拆了保護腳架，但上下樓梯時要扶着扶手，她說：「我真係一個好冇耐性嘅人，好似手術後行路，體院物理治療師成日叫我行慢啲，我做完手術後第一個月要留喺屋企，突然冇比賽，整個人好似空白咁，就諗咗好多以前冇耐性去做嘅嘢，包括陶瓷同西洋書法，我都會提自己慢一啲去做，寫西洋書法嘅過程好治癒，咩都唔使諗，只集中寫字，時間過得好快。」

時間過得真的很快，亦是最佳的良藥，距離文蔚5月13號佛誕假日當天受傷，差不多過了半年，當時驚恐的眼淚早已哭乾，不變的事實是，她因傷錯過了七月世大運的機會，回想當天，她說：「其實受傷當日整個人都好『弗』，由熱身到練習都好興奮，當時係跳高前warm up，跳一啲好高嘅欄，比平時高5-10厘米（約1米45），順利跳過後感覺仍好『弗』，於是再跳多一次，點知搞到阿基里斯筋腱斷裂。」

「我未試過咁大嘅傷患，體院物理治療師同我講話有可能斷咗筋腱，呢個傷嚟得好突然，即場好驚就爆喊，但過咗一陣，我就同自己講：『唔斷都斷咗』，就盡快做手術，用心療傷，諗通咗之後，受傷當日下晝就搵朋友打麻將消磨時間。」文蔚5月中做手術、打石膏、6月拆石膏後改穿保護腳架，避免足踝受壓，七月開始在體院「反重力跑步機」上練跑以及在體能室做各種康復的訓練，本月開始在草地上練跑，一切進度如醫生所料。

2016年開始成為香港跳高紀錄保持者後，文蔚集萬千寵愛在一身，既是香港跳高一姐，亦是贊助商寵兒，但名利背後卻承受着千斤重的壓力，14年入讀港大的她，16年中開始全職訓練、兼職讀書，這一年她3破港績至1米83，她說：「我一直以為投放多啲時間喺一件事上會越做越好，18年亞運前我連港大兼讀課程都暫停一年，當時只有跳高，我病態到行出街見到一啲廣告牌，都會諗點跳過去，經常失眠，食飯、睇戲、連發夢都諗住跳高，原來逼到自己到一個臨界點，成績會有退冇進。」

17年4月台灣大獎賽以1米88再次刷新港績後，文蔚被首次出戰雅加達亞運這重擔壓得越來越難受，最後只能以1米80第5名完成，她說：「由全職開始，我一直被一啲數字（跳的高度）框住自己，追得好辛苦，感覺好抑壓，亦忘記最初鍾意跳高嗰種開心嘅感覺，其實亞運後我諗通咗，今次受傷後更加知道開心去享受跳高，比麻木去追一個數字更重要。」

9月滿25歲的楊文蔚，今次「重啟」跳高人生的時間是否合適無人知曉，尤其距離東京奧運只有八個多月，她說：「東京奧運當然想去，但心急都無補於事，所以唔會set一個復出時間，我想練到可以跳1米80先出嚟比賽，跳得太矮，自己都唔開心；趁今次受傷，當由零開始，再好好將自己跳高不足嘅地方加強同改善，我有信心喺享受心情下會突破到以前嘅自己。」東奧的女子跳高標是1米96，或者在明年6月29日前爭取世界排名積分。

文蔚兩年前在右手腕上紋了「Aim Higher」，提醒自己要跳得更高，寫西洋書法時也不自覺看着這紋身寫出來，問她「重啟」後的跳高目標想幾高，她說：「1米90仍然係我嘅目標，但唔想訓練時只諗住呢個高度而冇去好好享受過程，跳高係我嘅職業，我希望跳得開心。」