九倉（004）主席吳光正在出席股東會後，突然主動向傳媒談及對普選爭議及佔中的看法，歷時長達近一小時。吳光正稱早在中英聯合聲明簽署時，雙方已同意中央是對香港是有主權及治權，香港是「高度自治」，而非「完全自治」，並講明特首可以是透過「協商或選舉後產生」，故有人以行動及犯法的手段、向中央「爭一啲根本無得爭既野」，他認為是「下策」：「如果有真普選，咁咪即係有「假基本法」、「假回歸」？」

吳光正又指，佔中一旦發生，後果將是「很明顯」：「中央講晒喇，前兩日周南都講左啦。（係咪即係會有鎮壓？）我唔知，總之已講得好白！」吳光正呼籲年輕人要「珍惜自己」，「為左一啲得唔到既野，犧牲自己未來30年的前途，係咪值得？我覺得唔值得。」

吳光正認為，基本法第五條、承諾港人原有生活方式不變、繼續實行資本主義，這才是「一國兩制的精華所在」，他聲稱香港回歸十多年，擁有的言論及輿論自由，較以往是「有過之而無不及」，只要社會有足夠的民主監督，已可確保權力分佈均衡。「香港50年不變，依家已過左16年，仲有34年，唔係好多，大家好至為之。」

吳光正多次強調他不代表中央，對於為何突然如此「感慨」發表政見，他沒有正面回應，只稱一直很關心香港發展。對於政制改革塵埃落定後、他會否「復出政壇」，他一口否認「梗係唔會！」

【壹錘定音】星期一至五，早上8點開咪！
http://hammerout.hk

立即更新《蘋果動新聞》app
https://bitly.com/AppleDailyiOSApp
https://bitly.com/appledailyandroidapp