現年24歲嘅坂口健太郎，係日本男裝書《MEN'SNON-NO》嘅首席男模，自從被事務所羅致旗下成小栗旬師弟後，呢兩年即成影壇新貴，今年已有多套參演電影先後上映。

坂口健太郎除有份參演矚目電影《海街女孩日記》外，佢夥拍桐谷美玲、山崎賢人嘅青春片《女主角失格》都票房極佳，而夥拍鈴木亮平新片《俺物語!!》就聽日開畫。

由於坂口健太郎成功塑造出暖男形象，佢會推出寫真集《坂道》，輯錄早前去台灣取景嘅大堆靚相，一於以親切一面滿足廣大粉絲。