鍾嘉欣BB今晚以弗爆狀態，到中環出席Emporio Armani Remix 別注系列開售活動宣傳，連身短裙嘅嘉欣BB露出雪白長腿，令現場咁擠迫嘅環境吹來一口涼氣……

做咗人妻同人母，闊別幕前咁耐，依家一出番嚟就見咁多人，會否有點不慣？佢話:「真係有些少唔慣，同埋好掛住個女。」佢話選擇出席呢個品牌活動係因為該牌子年年無綫台慶都支持佢，彼此保持友好關係。但嘉欣活動完之後就飛返加國，點解咁急？佢解釋:「因為我餵人奶，已經pump定廿幾支喺度，我驚我再唔返去就唔夠奶，所以一定要返去。」

問嘉欣會否拍《溏心風暴3》？唉，佢話:「唔喇，依家乜嘢都係以BB為先，因為BB仲餵緊人奶，所以點都要等到六個月，或者一歲先至考慮接一啲比較長時間嘅job。作為父母，BB都係no.1嘅。」嘉欣又話知道公司同客戶都好支持佢，覺得好開心。