賴：賴維銘
記：記者吳文輝

記：最受歡迎騎師選舉已經開始接受投票，雖然你已經掛靴，但唔少網民都話要投你一票，仲cap埋圖支持你，你點睇呢？

賴：我當然好感動啦！坦白說自己今季座騎不多，自然談不上甚麼好成績，或許因為經歷超過26年策騎，多少有點貢獻，這是一些馬迷對我的一些肯定，我實在非常感謝。

記：你近兩季為葉楚航騎唔少馬，例如今次（8日）沙田第六場四班1800米草地賽嘅「蒜頭爺爺」，季初喺你胯下跑略短嘅一哩，之後增程不斷交出好表現，你點睇「蒜頭爺爺」今次機會？

賴：「蒜頭爺爺」是一匹四五班中長途好馬，本身在策騎上沒有太大難度，不過隨住牠年事漸長，亦顯得較為慢腳，季初跑一哩要跟上步速都有點困難，肯定是一匹1800米或以上才有好表現之馬。
此駒馬仔細細，慶幸今場負125磅不算重，最近晨課走勢仍好，長期有態加上演出穩定，由潘頓策騎，當然是爭勝分子之一。

記：近排潘頓、莫雷拉輪流show time，其他騎師真係搵食艱難，但原來小師弟陳嘉熙的勝出率已排騎師榜前列，睇嚟呢十磅讓磅威力真係好大。

賴：呢個當然啦！雖然陳嘉熙經驗尚淺，尚有很多進步空間，不過十磅讓磅幾乎等於兩場頭馬，優勢當然大。
第九場三班1400米「綠勇士」退出，此場季內於三班有好表現之馬買少見少。同場陳嘉熙座騎「自在人生」跑法均速，適合他發揮，前仗於更強組別輸唔遠，今場2檔形勢有利，發揮正常已夠贏。

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX