世界盃亞洲區外圍賽即將展開，中國足協日前推出宣傳海報，指港隊成員「有黑皮膚、黃皮膚、白皮膚」，係「有層次」球隊，被質疑涉種族歧視後，香港足協隨即推出「唔好比（俾）人睇死」海報反擊。

唔知係咪眼見之前美國朱古力棒品牌Snickers，推出過抽名人金句水嘅海報，被網民爆like瘋傳，大收免費宣傳之效，糖果品牌Tic Tac以及朱古力品牌M&M's今次接棒整抽水廣告，前者嘅海報標榜Tic Tac糖體積雖小，卻「唔好比（俾）人睇小，我哋呢班Tic Tac，有黃色、有白色、有橙色、有粉紅色」；後者則話「比（畀）啲顏色人睇」，「我哋呢包朱古力，有紅色、有黃色、有藍色……」唔少網民見到都即時轉載，當中有讚有彈，其中有網民留言，「依（𠵱）家個個有圖就抽（水）」，質疑點解唔搞多啲自己創作呢？八方就覺得，呃到like就得啦，抽水抽到dry，又何妨？