【新增婚紗照及內容】
韓國樂隊FT Island嘅25歲成兼崔敏煥跟女團LABOUM前成員律喜早前註冊結婚，5月時二人榮升父母，崔敏煥及律喜今日補辦婚禮。而崔敏煥及律喜噚日就於Instagram公開囝囝新相，5個月大嘅囝囝表情多多，而且非常精靈可愛。

不過今日兩人嘅婚禮就以非公開形式進行，而崔珉煥所屬FNC事務所今日亦都公開咗二人嘅婚照，並指二人喺雙方家人、親朋戚友嘅見證下圓滿結束，而FT Island都有赴婚宴，成員宋承炫做婚禮就做主持，李在真唱祝歌。崔敏煥話：「感謝參加婚禮嘅賓客以及各位來賓嘅祝福，唔會忘記大家嘅祝賀，我會幸福地生活下去。」

另外，現年28歲嘅韓國樂隊FT Island成員李洪基，噚日於首爾舉行新碟宣傳活動時，透露今次係佢當兵前最後一隻solo碟，而且預告將於明年入伍。

李洪基於活動中表示：「過去一年多都冇咩點休息，一直參加各種節目、準備專輯，出道後好似從來都冇咁忙過。」李洪基又表示：「今次係去軍隊前最後一張solo專輯，希望大家能夠等我返嚟。預計明年入伍，本來想跟FT Island隊員一齊入伍，但係崔敏煥結婚生B，佢要照顧孩子一段時間，所以哥哥就先入伍，我哋會盡量縮短FT Island嘅空白期。」

更多韓流，喺晒《娛果》
http://fb.com/appledailyent