友邦香港於亞太區15個市場進行調查發現港人健康生活指數排行包尾，更只能日瞓6.5小時，但就日均上網3.7小時。本報在銅鑼灣進行街訪，有市民表示習慣以手機處理公私事，長期上網擠壓做其他事或運動時間！

從事保險業的伍小姐坦言，只能日瞓4至5個小時，並已持續失眠2至3年，雖有睇中醫調理，但至今未知成因，認為港人生活壓力處處，難找出成因，故每日都會堅持做十多分鐘柔軟體操減壓。

雖然堅持運動，惟伍小姐除了睡眠外，因工作需要都會以電郵訊息聯繫，故會持續使用手機處理公及私事，都影響做到其他事情。

做直銷的王先生表示，雖然日瞓8小時，但因工作模式需以手機處理業務，更日均使用手機上網達4至5小時，無形中機不離身。但他認為瞓覺對健康影響只是好「濕碎」，工作壓力大才是影響健康關鍵。

香港學生雖然學業壓力大，但受訪者黃先生及杜小姐都表示可睡足8至9小時。當中黃先生撇除睡眠時間，其餘一半時間都以手機娛樂，承認玩手機會影響到做其他事情或運動，因若「瞓得足自然無咁燥，工作都有活力啲，做到想做嘅嘢」，但無奈港人習慣以手機上網，好難改變。

至於今年將投身職場的杜小姐指，雖然現時能睡足八小時，亦驚往後睡眠減少，擔心「做嘢要做到好晏，但返工一樣咁早」，會自行調節適應。

掌握財經生活資訊，即Like「蘋果ATM」fb專頁啦！
http://fb.com/appledailyatm