由韓國男星宋承憲及高雅娜主演嘅OCN韓劇《Black》，噚晚播出第18集大結局，收視有4.181%，劇情講到宋承憲原本係刑警，一次意外身亡後被地獄使者附身，更愛上高雅娜。

原本粉絲以為宋承憲同高雅娜有情人終成眷屬，點知結局卻大逆轉，高雅娜細個時原來誤槍傷宋承憲嘅哥哥，而佢哥哥個心臟就移植到宋承憲身上，令宋承憲擁有哥哥嘅記憶。由於宋承憲身為地獄使者因爲傷害人類而要接受審判，宋承憲為了讓高雅娜能過正常生活，決定接受最高審判讓一切歸於無。

至於喺人間嘅高雅娜亦擁有一個美好正常嘅人生，當佢老死後，終於可以見到宋承憲，仲想起曾經同宋承憲嘅一切，兩人手拖手離開。
雖然最終二人總算在一起，但觀眾就唔多滿意，覺得前17集咁緊湊，點知第18集竟然爛尾收場，亦有觀眾覺得最尾死後重聚係夾硬Happy Ending。

更多韓流，喺晒《娛果》
http://fb.com/appledailyent