【撐拔萃師弟罷課】杜汶澤以企出嚟學生為榮 同喇沙仔化敵為友
蘋果日報 2019/09/06 17:09
杜汶澤喇沙盧偉聰拔萃五大訴求
今日多間中學同學繼續罷課，表明「五大訴求 缺一不可」。在旺角亞皆老街的拔萃男書院，一班舊生今早到場聲援罷課師弟，在校外築起人鏈，場面令人感動。同樣男拔出身的杜汶澤，今日在facebook貼出一張就讀該校中二時的舊照，呼籲尋找相中「杜汶澤」，又大讚一班師弟不畏強權的行為，他留言︰「見到今朝咁多同學仔手拖手，除咗感動同感謝之外，亦都令我回想到，自己讀書嘅年代，鬥爭嘅對象都離不開老師、高年班同學、喇沙仔......相比起而家嘅學生，當時實在太幼稚。我以今日所有企出嚟嘅香港學生為榮。By the way 你無可能響呢張相入面搵到我#提示三七面右手插袋嗰個」
阿澤今日接受電話訪問時，不單大讚師弟們的行為，更藉此跟傳統「世仇」喇沙男書院「化敵為友」，他說︰「其實根據傳統拔萃同喇沙係世仇，但今次運動睇到好多喇沙同學都出咗好多力，我覺得佢哋好好呀，冇咗嗰種敵對仇恨。喺大是大非面前，嗰種無聊仇恨冇晒，我鍾意喇沙仔。可能大眾都唔知道好多差人唔係毅進仔，好似佢哋一哥盧偉聰都係喇沙仔。所以除咗盧偉聰之外，其他喇沙仔而家我係OK嘅。我只能夠講喺拔萃讀書時，我考第尾嘅，不過英文都好過盧偉聰，哈哈。」早前阿澤在自己網台以英語錄了一段對話，不少網友大讚他的英式口音，留言「當年學業包尾的學生，講英語、講良心，都完勝貴為署長的一哥。」
（攝影︰李家傑）
（攝影︰黃江奇）
杜汶澤用一張F.2學生相撐師弟。（FB圖片）
有人讚阿澤的英文好過一哥盧偉聰。（資料圖片）
有網友讚阿澤的英文發音，好過喇沙出身的一哥盧偉聰。（FB圖片）