【棄港投中】曾詐傷避港足徵召 網民狠批戴偉浚25仔
蘋果日報 2020/09/04 19:58
中超戴偉浚陳俊樂網民
戴偉浚棄港投中，被網民狠批為「25仔」。
效力中超深圳佳兆業的英籍香港中場戴偉浚接受國內《足球報》訪問時表示，深圳正為他辦理轉籍手續，如有機會為中國隊上陣感到榮幸。部份討論區的網民對戴偉浚棄港投中感到反感，重提他在2018年詐傷避港足徵召，亦有人指不少港將北上搵食，但從未有人像戴偉浚一樣「25」。
繼接受《南都體育》訪問中提到想代表中國後，戴偉浚在《足球報》的訪問中透露，球會正按中國足協辦理領取中國國籍的手續。他指2018年曾到荷蘭跟隨中國奧運隊操練，是由於當時受到邀請：「當時我得到國奧隊的邀請，所以決定參與。若未來能代表國家隊上陣，這是我的榮幸。」不過，香港隊時任主教練加利韋特前年曾召戴偉浚加入港隊，不過，當時戴回覆港隊因傷而拒歸隊；其後被網民發現他原來從英國飛到荷蘭隨國奧隊集訓。
部份網民反應：
「當初如果唔扮傷，轉頭去咗奧運隊集訓，我諗啲人都唔會咁反佢。」
「如果佢直接以『想跟國奧隊』為由拒絕香港都冇咁嬲。」
「記得永久放棄英國籍，唔好冇嘢撈又走返英國。」
「樂仔都踢中超，起碼佢冇講咩25香港嘅嘢，純粹當係一個學習機會。」
「榮幸定不幸，一線之差。」
「唔知英國移民局有咩反應呢？」
-----------------------------
《體蘋果》陪你睇波講波
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！