當年今日
關於我們

求婚後五日即註冊 跳水皇后嫁小鮮肉

蘋果日報 2017/05/17 20:23

結婚跳水吳敏霞跳水皇后張效誠

恭喜中國「跳水皇后」吳敏霞,佢今日同男友張效誠結束八年愛情長跑,結成夫婦。張效誠今日喺微博公佈喜訊,仲同網民分享佢哋兩個拎結婚證嘅相,非常甜蜜。張效誠喺微博度留言:「五月,我們緣定今生; 十月,你將是我最美的新娘。 Hello, My Destiny」睇嚟佢兩個可能到10月先至擺酒。吳敏霞之後有轉發張效誠呢條微博。
其實張效誠喺今個月12號,即係佢31歲生日嗰陣先至向大佢一年嘅吳敏霞求婚,估唔到五日後就已經註冊埋。佢哋呢段姐弟戀收得好密,喺舊年里奧先至曝光。吳敏霞係中國跳水名將,出戰過四屆奧運,擅長三米板,拎過五面奧運金牌。至於張效誠就喺中國田徑協會做嘢,做過田徑世錦賽嘅導演同多項比賽嘅播音員。唔少內媒體都話張效誠係小鮮肉同埋顏值高。