這晚快活谷第五場四班一哩,開出熱門11倍大熱Q,雷神莫雷拉憑苗禮德馬房「珍珠旺」後上氣走嘉琦BB座騎「盈豐駿駒」勝出,單Win及組合獨贏A3,分別派55及25.5元。
今場「珍珠旺」負全場最重133磅,但雷神完美留放下,沿途守第九位,一條直路殺上,睇住嘉琦放領的「盈豐駿駒」嚟食,校準時間於最後百幾米,一條氣於外叠追過「盈豐駿駒」勝出,雷神連同頭場贏告東尼之「星光大師」在內,這晚率先起孖。相反「盈豐駿駒」人馬跑盡都係第二。
「珍珠旺」季內14次出賽獲三冠一亞一季一殿,馬主陳明榮連同「珍珠有利」一Win,今季未完已四次贏馬,而且此四Win清一色贏谷草一哩,至於苗禮德連同第三場憑嘉琦「旅遊多寶」報捷在內,以雷神、嘉琦一男一女最旺騎師成功起孖。陳明榮指出,由於「珍珠旺」負重磅形勢不利,所以預計馬兒只跑二二三三,全賴莫雷拉發揮一流才可勝出。
今場三、四名都係有飛馬,順序為「但求上舖」及「事勝意」,四重彩派一萬一千幾。