司馬燕老公Togi被爆有內地小三孫君子（Summer），兩人疑暗交5年，有指Summer嘅控制慾強，曾打爛醋酲騷擾周美鳳、Jeana（何佩瑜）同洪欣。

《蘋果》記者致電洪欣了解，佢愕然話：「咦！我真係唔知道有啲咁嘅事喎，同埋我同司馬燕都唔算識，不過見到面會hello囉，大家都係娛樂圈嘅人，但係冇來往囉，都唔算稱得上係熟嗰啲，但公開場合見到都會打招呼，呢啲好正常。」

洪欣對於被捲入是非莫名其妙，佢話：「我都唔明呀，不過呢啲無聊嘢唔得閒理佢，我都費事理。」問有冇收過Summer嘅騷擾？洪欣話：「冇喎，我都唔識呢個人，未聽過呢啲嘢，同埋0依家先知道，我都唔得閒理佢。」