自有人類歷史以嚟，基於男女不同嘅思考同行為模式，兩性間衝突從未停止過，但時至今日，擂台再唔係比力氣嘅鬥獸場，而係有錢話事嘅財政大權，究竟雙方邊個理財叻啲，就睇吓以下論據邊個講得通。

9大理由男人叻

1.男人比女人果斷，屋企大事多數係男人拍板。講到買樓、買車，都係男人決定。
2.男人係家庭支柱、重要嘅收入來源，比女人更有理財觸覺。
3.男人職位通常比女人高，識得點管嘢，喺投資方面更有經驗。

搵錢多抗壓力強

4.男人承受壓力嘅能力往往比女人強，更能承擔風險、處變不驚。
5.男人比女人更熱衷於追求成功，投資動力亦大，為面子，唔衰得，所以理財成功率更高。
6.男人比女人更自信，所以做嘢更主動，寧願親自解決問題，抓緊投資機會。
7.男人冇女人咁耳仔軟，唔易受外界影響，能夠堅持自己嘅投資理念。

意志堅追求成功

8.男人冇女人咁斤斤計較，更能參透投資理財嘅真諦。
9.男人比女人更花心，希望求新求變，易適應市場嘅風雲變幻，唔墨守成規，喺投資過程中更能出奇制勝。

9大論據女人勝：

1.女人對錢天生比男人敏感，注意細節。
2.俗語話「男主外，女主內」，傳統上嘅性別分工，決定咗女性更能擔當家庭理財嘅重任。
3.大多數家庭都係由女人擔任財政大臣，既然女人管開錢，自然就識點理財喇。

管開支精打細算

4.女人比男人更識得聆聽，能虛心接受理財專家嘅意見，唔會一意孤行。有專業人士嘅幫助，理財自然較好。
5.女人做事比男人更謹慎、穩健。要知道理財同投資最大嘅分別，係前者講求收益同取得平衡，而後者則重視回報，風險較大。
6.女人比男人更識得精打細算，喜歡格價、討價還價，懂得「集腋成裘」。

愛家庭努力儲錢

7.女人重視家庭，男人重視事業，所以女人在家庭理財方面嘅實踐經驗多過男人。
8.女人同仔女嘅關係更親近，為咗子女日後成長，自然比男人更有動力去理財。
9.女人成日都要睇住屋企盤數，計住各方面開支，唔會點使無謂錢，所以比男人更適合理財。
http://bbs.finance.sina.com.cn/?h=/g_forum/00/3F/02/view.php%3Ffid%3D91409%26tbid%3D4582&g=10&n=1

報料站
歡迎提供網上財經趣聞，資料一經採用，酬100元。請附姓名、電話及電郵地址，交[email protected]