噚晚《超級無敵獎門人終極篇》錄影，好耐冇上嚟嘅鄧麗欣(Stephy)都有現身，佢話﹕「對上一次係Cookie四個女仔嘅時候。」幾位主持人笑她﹕「123紅綠燈，過馬路方力申。」每次佢提起方力申都甜笑，玩「超級無敵爆波波」時，被問到Check男友嘅方法，Stephy一輪嘴話﹕「偷睇佢電話、攞頭髮放喺佢褲上面、聞吓有冇香水、同佢跑步睇吓佢攰唔攰。」似乎好有心得咁。

而患病嘅張達明亦講出連串激嬲志偉嘅方法，佢毫不留情話﹕「你有冇一米二八？你長期買短褲當長褲着？你玩過山車要唔要家長陪同？你屋企人多到數唔到？志偉係好丈闆，喺佢公司打工兩年無加過人工。」認真沙膽。