無綫女藝人遭性騷擾事件昨日傳遍將軍澳電視廣播城，胡杏兒、吳卓羲和陳錦鴻等昨日在電視城出席劇集《巴不得爸爸》開鏡拜神儀式，對於有指鹹豬手女藝人的男藝員經常玩魔術𠱁女仔，杏兒說：「我唔想估係邊個，亦冇人用魔術𠱁過我開心，可能我唔係目標。」

籲受害人指證

提到有女受害人被胸襲時即時O嘴，杏兒說：「換轉我唔會O嘴，我會用下面攻擊佢，我都幾有防範㗎，有乜嘢好玩啫，魔術之嘛。」再問杏兒要否帶防狼器護身時，她笑說：「我隻腳就係啦。」
陳錦鴻和吳卓羲則同聲指受害者應挺身而出，陳錦鴻說：「苑仔（苑瓊丹）應該要報警，保障其他婦女，知道又唔講，太唔應該喇，𠵱家令到人心惶惶。」吳卓羲說：「之前一直有聽過類似事件，好多女仔因為驚唔敢出聲，旁觀者都應該要幫手處理，如果我見到都會出聲，為咗防止事件繼續發生，女藝人受到侵犯要出嚟指證，唔可以忽視。」
採訪：卓寶花
攝影：陳順禎