袁和平執導、徐克監製電影《奇門遁甲》噚晚係圓方舉行首映禮，楊紫瓊(Michelle)以神秘嘉賓現身，難得老友到場，袁和平即刻食住上話：「如果開拍續集一定會預埋楊紫瓊，Michelle豪氣話：「講咗就當真喇！」講到合作，Michelle話好想，因為第一部戲，就係拍徐克嘅作品，Michelle仲話演咩都無問題，只要係袁和平加徐克就就咩都得。Michelle話袁和平係打得唔好好，唔收貨，袁和平就話：「楊紫瓊拍我嘅戲都係打人多，但係拍出來好似被人打，因為佢最搏命，成日會打到周身瘀晒。」

徐克之後講下新片演員，佢話伍佰最多嘢講，拍攝出來效果最好：「伍佰將彈結他嘅動作變成掌風。大鵬就最捱得打、李治庭就最貪靚，成套戲都冇打佢塊臉，周冬雨貪靚，但係會化妝，仲化到古靈精怪！」

另外，李治廷話為咗了演徐克部戲，用咗六個月操弗自己：「過程好甘，每日練一、兩個小時，就算拍緊戲都照操，食得好清，要令到啲肌肉好乾就會出現線條效果。」李治廷難得可以跟徐克合作，加上有袁和平做導演，所以練得幾辛苦都唔係問題。李治廷仲好識做，作咗首歌叫《徐克我有問題》向徐克致敬兼「表白」，佢話：「佢創造嘅經典電影是美好回憶，所以有感而發。」

釋彥能戲入面飾演武林高手，佢話最多試過一打十幾個。他表示準備去馬來西亞拍新戲，早前就係大陸網站拍一部警匪片。

更多娛聞，喺晒《娛果》
http://fb.com/appledailyent