姚嘉妮快餐店過神秘情人節

蘋果日報 2004/02/14 00:00


姚嘉妮、Rosemary、周汶錡等昨日往灣仔會展演出婚紗騷,眾人為羅浮宮及新天地示範新款婚紗。姚嘉妮表示今日情人節與男友林祖輝均要開工,只能在晚上慶祝,她笑言男友故作神秘,不肯透露節目內容。
姚嘉妮說:「佢講笑話同我去快餐店食餐飯就算喎!」問她希望收到甚麼情人節禮物?她說:「冇所謂啦,拍拖咁耐一齊過咗咁多節日,乜禮物都收過啦,加上祖輝屋企有個後花園,佢自己種埋好多玫瑰花,都唔使嘥錢買花畀我。」

續約無綫壓力大
對於TVB大幅裁員,姚嘉妮說:「我好好彩,十一月先續咗約,不過𠵱家咁嘅環境,工作壓力都大咗,話晒TVB有咁多新人,競爭好大,我都要做啲成績出嚟。」對於梁思浩炮轟TVB無情,她則說:「唔使替思浩擔心啦,佢大把窿路。」
採訪:梁錦雯 攝影:陳志嵐
empty
Rosemary穿起宮廷式婚紗,身材呼之欲出。
empty
林祖輝與姚嘉妮今日均要開工,要晚上才慶祝。