陳明憙今日喺商台宣傳新歌，佢嘅歌分為黑白灰三系列，日前生日父母請佢到大阪旅行，順便為新系列取靈感，陳明憙話：「因為我去睇《柯南》嘅展覽，但媽咪唔鍾意睇，所以佢同daddy去東京，我哋分開玩。」嚟緊母親節，陳明憙會飛往北京同母親慶祝，打算畫畫做禮物，兼且順道探家中新成員－－母親啱啱收養嘅貓咪。

另外，陳明憙新歌成為台灣劇集插曲，之前自己更有份客串一角，亦已做咗宣傳，佢之前曾出過國語碟、喺當地宣傳，陳明憙希望將來有機會到台灣發展，佢話：「我都想發展台灣巿場，但首先要專注香港巿場，要做埋另外兩個系列嘅歌。」