新地（016）元朗新盤ParkYoho近日推出借凸樓價120%的「奪命按揭」搶客，新界西北爆二手爆價戰，其中元朗於本周六及日錄得最少三宗劈價成交，當中屬一綫屋苑的YohoMidtown更錄得勁劈一球成交!

消息指，YohoMidtown的1座中高層B室，實用面積475方呎，今年4月放盤叫價635萬元，本身已乏人問津，ParkYoho開價後更冇人吼，放盤僅兩個月，勁減一球以535萬元賣出，呎價11,263元。代理話，今次這口價與去年高位比較，絕對是劈到七彩，因為上年呢隻單位成交價見過六球以上，其中2座高層B室，面積及方向一樣，上年11月賣價高達630萬元，呎價13,263元，即是短短7個月，Midtown的兩房單位差不多跌價成球!

不過，原業主2012年7月以405萬元買入單位，賬面仍賺130萬元，只是賺得冇咁盡。

掌握財經地產資訊，即Like「蘋果ATM」fb專頁啦！
http://fb.com/appledailyatm