今日王曼喜、宋慧喬、鄧鉅明今日喺中環出席品牌店鋪嘅開幕儀式，王曼喜就着咗條低胸連身裙，佢就話本身有貼膠紙，不過就因為覺得唔靚，所以最後都係冇貼。講到妹妹畢業，佢都去咗幫妹妹執嘢，都有好多衫，而妹妹今次返嚟都會做啲時裝嘅工作同埋做模特兒，問到會唔會同妹妹一齊着泳衣，佢就話妹妹着得多啲。

太子鐘錶老闆鄧鉅明今日都有現身，問到佢有冇睇宋慧喬嘅作品，佢就話有睇啲，不過因為多嘢做，所以都少咗追劇，佢仲話：「都希望都可以影張相，太太應該唔會嬲嘅。」

早前尖沙嘴海港城太子珠寶發生劫案被盜走500萬鑽飾，警方於一星期後拘捕兩名涉案匪徒並起回賊贓，鄧鉅明指自己都有責任，因為保安鬆懈咗，仲話：「其實廿幾年前都發生過，當時仲有用鎗，今次破案都好快，開頭仲以為係裝修嘅人做，因為開鎖都好快，嚟緊都會加強保安。」仲話都有叫員工如果避得就避，生命嘅安全最緊要。

精選娛聞，喺晒《娛果》
http://fb.com/appledailyent