曾志偉噚晚到九展出席慈善晚宴，志偉監製兼主演嘅電影《黃金兄弟》票房同口碑都唔錯，大陸上映兩日收1億人仔（約1.13億港元），不過佢喺戲中好早就死咗喇！志偉笑話：「我係抵死嘛！今次部戲咁好反應，真係好感動，之前去咗好多唔同地方做宣傳，嚟緊會去星馬做宣傳，做完可以唞下，唔使再出去外地做宣傳。」

之前錢嘉樂講話想開拍續集，志偉笑話續集梗係想去非洲、南美拍外景：「謝天華都死咗，咁咪拍前傳囉！今次難得咁多人去唔同地方拍嘢。」至於中秋節，志偉話會放假，跟住再到戲院做謝票，團隊會分開去唔同戲院做謝票。

精選娛聞，喺晒《娛果》
http://fb.com/appledailyent